ਮੁੰਬਈ- ਐਮਾਜ਼ਾਨ ਐਮਐਕਸ ਪਲੇਅਰ ਦੀ ਬਲਾਕਬਸਟਰ ਸੀਰੀਜ਼ ਆਸ਼ਰਮ ਨੇ ਇੱਕ ਵਾਰ ਫਿਰ ਭਾਰਤ ਭਰ ਵਿੱਚ 250 ਮਿਲੀਅਨ ਤੋਂ ਵੱਧ ਦਰਸ਼ਕਾਂ ਨੂੰ ਮੋਹਿਤ ਕਰਕੇ ਨਵੇਂ ਮਾਪਦੰਡ ਸਥਾਪਤ ਕੀਤੇ ਹਨ। ਆਸ਼ਰਮ S3 ਭਾਗ 2 ਨੇ ਲਗਾਤਾਰ ਚਾਰ ਹਫ਼ਤਿਆਂ ਤੱਕ ਓਰਮੈਕਸ ਮੀਡੀਆ ਦੀ ਸਭ ਤੋਂ ਵੱਧ ਦੇਖੀ ਜਾਣ ਵਾਲੀ ਸਟ੍ਰੀਮਿੰਗ ਓਰੀਜਨਲ ਸੂਚੀ ਵਿੱਚ ਸਿਖਰ ਸਥਾਰ ਹਾਸਲ ਕੀਤਾ ਹੈ, ਜਿਸ ਨਾਲ ਇਹ ਭਾਰਤ ਦੀ ਸਭ ਤੋਂ ਵੱਧ ਪਸੰਦੀਦਾ OTT ਫਰੈਂਚਾਇਜ਼ੀ ਬਣ ਗਈ ਹੈ।

ਐਮਾਜ਼ਾਨ ਦੀ ਸ਼ਾਪਿੰਗ ਪ੍ਰੋਫਾਈਲ ਦਰਸਾਉਂਦੀ ਹੈ ਕਿ 77 ਫੀਸਦੀ ਦਰਸ਼ਕ ਤਕਨੀਕੀ-ਪ੍ਰੇਮੀ ਹਨ, ਜਦੋਂਕਿ 64 ਫੀਸਦੀ ਫੈਸ਼ਨ-ਪ੍ਰੇਮੀ ਹਨ, ਜੋ ਕਿ ਇੱਕ ਬਹੁਤ ਹੀ ਸਰਗਰਮ ਅਤੇ ਟਰੈਂਡ ਫਾਲੋ ਕਰਨ ਵਾਲੇ ਪ੍ਰਸ਼ੰਸਕ ਅਧਾਰ ਨੂੰ ਦਰਸਾਉਂਦਾ ਹੈ। ਆਸ਼ਰਮ ਨੇ ਇਸ ਮਿੱਥ ਨੂੰ ਤੋੜਿਆ ਕਿ ਅਪਰਾਧ-ਥੀਮ  ਵਾਲੀਆਂ ਕਹਾਣੀਆਂ ਸਿਰਫ਼ ਪੁਰਸ਼ ਦਰਸ਼ਕਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ, ਜਿਸਦੇ 20 ਫੀਸਦੀ ਤੋਂ ਵੱਧ ਦਰਸ਼ਕ ਔਰਤਾਂ ਹਨ। ਇਹ ਸੀਰੀਜ਼ ਵੱਖ-ਵੱਖ ਉਮਰ ਸਮੂਹਾਂ ਵਿੱਚ ਪ੍ਰਸਿੱਧ ਰਹੀ, ਜਿਸ ਵਿੱਚ ਨੌਜਵਾਨਾਂ ਤੋਂ ਲੈ ਕੇ 25 ਸਾਲ ਤੋਂ ਵੱਧ ਉਮਰ ਦੇ ਦਰਸ਼ਕ ਤੱਕ ਸ਼ਾਮਲ ਹਨ। ਆਸ਼ਰਮ ਨੇ ਪੂਰੇ ਭਾਰਤ ਵਿੱਚ ਦਰਸ਼ਕਾਂ ਨੂੰ ਆਕਰਸ਼ਿਤ ਕੀਤਾ ਹੈ, ਜਿਸ ਵਿੱਚ ਮੈਟਰੋ ਸ਼ਹਿਰਾਂ ਦੇ ਨਾਲ-ਨਾਲ ਟੀਅਰ-2 ਅਤੇ ਟੀਅਰ-3 ਸ਼ਹਿਰਾਂ ਦੇ ਦਰਸ਼ਕ ਵੀ ਸ਼ਾਮਲ ਹਨ। ਹਿੰਦੀ ਇਸਦੀ ਪ੍ਰਮੁੱਖ ਭਾਸ਼ਾ ਰਹੀ, ਪਰ ਇਸਨੂੰ ਬੰਗਾਲੀ, ਤਾਮਿਲ ਅਤੇ ਤੇਲਗੂ ਵਿੱਚ ਵੀ ਪ੍ਰਸ਼ੰਸਾ ਮਿਲੀ।

ਬੇਮਿਸਾਲ ਪ੍ਰਸਿੱਧੀ ਅਤੇ ਵਿਲੱਖਣ ਮਾਰਕੀਟਿੰਗ ਰਣਨੀਤੀ

ਇਸ ਸੀਰੀਜ਼ ਨੇ ਕਈ ਸਪਾਂਸਰਾਂ ਨੂੰ ਆਕਰਸ਼ਿਤ ਕੀਤਾ, ਜਿਸ ਵਿੱਚ ਵਿਮਲ ਮੁੱਖ ਪੇਸ਼ਕਾਰ ਰਹੇ ਅਤੇ ਲਾਹੌਰੀ ਜ਼ੀਰਾ, ਲਕਸ ਨਾਈਟ੍ਰੋ ਇਸ ਦੇ ਸਹਿ-ਪ੍ਰਾਯੋਜਕ ਬਣੇ, ਜਦੋਂ ਕਿ ਕੇਈ ਵਾਇਰਜ਼ ਐਂਡ ਕੇਬਲਜ਼, ਕੇਨਸਟਾਰ ਅਤੇ ਜ਼ੰਡੂ ਫਾਸਟ ਰਿਲੀਫ ਨੇ ਵਿਸ਼ੇਸ਼ ਭਾਈਵਾਲਾਂ ਵਜੋਂ ਸਹਿਯੋਗ ਕੀਤਾ। ਯੂਟਿਊਬ 'ਤੇ ਰਿਲੀਜ਼ ਹੋਇਆ ਟ੍ਰੇਲਰ 23 ਦਿਨਾਂ ਤੱਕ ਟ੍ਰੈਂਡ ਕਰਦਾ ਰਿਹਾ ਅਤੇ 24 ਮਿਲੀਅਨ ਵਿਊਜ਼ ਪ੍ਰਾਪਤ ਕੀਤੇ। 360-ਡਿਗਰੀ ਮਾਰਕੀਟਿੰਗ ਯੋਜਨਾ ਨੂੰ ਟੀਵੀ, ਡਿਜੀਟਲ, ਆਊਟਡੋਰ ਅਤੇ ਸੋਸ਼ਲ ਮੀਡੀਆ 'ਤੇ ਵਿਆਪਕ ਤੌਰ 'ਤੇ ਪ੍ਰਚਾਰਿਆ ਗਿਆ, ਜਿਸ ਨਾਲ ਦੇਸ਼ ਭਰ ਵਿੱਚ ਇੱਕ ਹਲਚਲ ਮਚ ਗਈ।