ਐਕਸਪਰਟ ਕੀ ਕਹਿੰਦੇ ਹਨ?
ਫਰੀਦਾਬਾਦ ਦੇ ਮੌਰਿੰਗੋ ਏਸ਼ੀਆ ਹਸਪਤਾਲ ਦੇ ਡਾਇਰੈਕਟਰ ਪਲਮੋਨੋਲੋਜੀ ਡਾ. ਗੁਰਮੀਤ ਸਿੰਘ ਛਾਬੜਾ ਦੱਸਦੇ ਹਨ ਕਿ ਜੇ ਮੌਸਮ ਵਿੱਚ ਨਮੀ 30 ਤੋਂ 50 ਫੀਸਦੀ ਤੱਕ ਹੋਵੇ, ਤਾਂ ਫੇਫੜੇ ਠੀਕ ਤਰੀਕੇ ਨਾਲ ਕੰਮ ਕਰਦੇ ਹਨ। ਪਰ ਜਦ ਨਮੀ 50 ਫੀਸਦੀ ਤੋਂ ਵੱਧ ਹੋ ਜਾਂਦੀ ਹੈ, ਤਾਂ ਫੇਫੜਿਆਂ ਦੀਆਂ ਨਲੀਆਂ ਵਿੱਚ ਸੋਜ ਆਉਣ ਲੱਗਦੀ ਹੈ, ਜਿਸ ਨਾਲ ਸਾਂਹ ਲੈਣ ਵਿੱਚ ਦਿੱਕਤ ਹੋ ਸਕਦੀ ਹੈ।

ਉਨ੍ਹਾਂ ਅਨੁਸਾਰ, ਜਦ ਬਰਸਾਤ ਜ਼ਿਆਦਾ ਹੁੰਦੀ ਹੈ ਤਾਂ ਫੁੱਲਾਂ ਅਤੇ ਦਰੱਖ਼ਤਾਂ ਵਿੱਚ ਮੌਜੂਦ ਪੋਲਨ ਝੜ ਜਾਂਦੇ ਹਨ। ਜਦ ਮਨੁੱਖ ਸਾਂਹ ਲੈਂਦਾ ਹੈ ਤਾਂ ਇਹ ਪੋਲਨ ਨੱਕ ਰਾਹੀਂ ਅੰਦਰ ਚਲੇ ਜਾਂਦੇ ਹਨ, ਜਿਸ ਕਾਰਨ ਅਸਥਮਾ ਦਾ ਦੌਰਾ ਪੈਣ ਦਾ ਖਤਰਾ ਵੱਧ ਜਾਂਦਾ ਹੈ।

ਉਹ ਇਹ ਵੀ ਦੱਸਦੇ ਹਨ ਕਿ ਬਰਸਾਤ ਦੇ ਮੌਸਮ ਵਿੱਚ ਸੂਰਜ ਦੀ ਰੋਸ਼ਨੀ ਘੱਟ ਮਿਲਦੀ ਹੈ, ਜਿਸ ਕਰਕੇ ਵਿਅਕਤੀ ਨੂੰ ਐਂਜ਼ਾਇਟੀ, ਤਣਾਅ ਅਤੇ ਡਿਪ੍ਰੈਸ਼ਨ ਹੋ ਸਕਦਾ ਹੈ, ਜੋ ਕਿ ਅਸਥਮਾ ਦੇ ਦੌਰੇ ਦਾ ਹੋਰ ਇੱਕ ਕਾਰਣ ਬਣ ਸਕਦਾ ਹੈ।