ਮਹਿਲਾਵਾਂ ਨੂੰ ਆਪਣੀ ਸਿਹਤ ਦਾ ਧਿਆਨ ਰੱਖਣ ਲਈ ਸਭ ਤੋਂ ਪਹਿਲਾਂ ਆਪਣੀ ਖੁਰਾਕ 'ਤੇ ਧਿਆਨ ਦੇਣਾ ਚਾਹੀਦਾ ਹੈ। ਅਸੀਂ ਖਾਣਾ ਇਸ ਲਈ ਖਾਂਦੇ ਹਾਂ ਤਾਂ ਜੋ ਸਾਨੂੰ ਲੋੜੀਂਦੇ ਨਿਊਟਰਿਐਂਟ ਮਿਲਣ। ਪਰ ਕਈ ਵਾਰੀ ਉਹਨਾਂ ਦੇ ਸਰੀਰ ਵਿੱਚ ਕੁੱਝ ਅਜਿਹੇ ਵਿਟਾਮਿਨ ਅਤੇ ਲੋੜੀਂਦੇ ਨਿਊਟਰਿਐਂਟ ਦੀ ਕਮੀ ਹੋ ਜਾਂਦੀ ਹੈ, ਜੋ ਬਹੁਤ ਜ਼ਰੂਰੀ ਹੁੰਦੇ ਹਨ। ਕੁਝ ਸਿਹਤ ਸਰਵੇਖਣਾਂ ਵਿੱਚ ਪਤਾ ਲੱਗਿਆ ਕਿ ਭਾਰਤ 'ਚ ਮਹਿਲਾਵਾਂ ਦੇ ਸਰੀਰ ਵਿੱਚ ਆਇਰਨ ਅਤੇ ਵਿਟਾਮਿਨ B-12 ਦੀ ਕਮੀ ਸਭ ਤੋਂ ਵੱਧ ਪਾਈ ਜਾਂਦੀ ਹੈ। ਆਓ ਜਾਣੀਏ ਵਿਟਾਮਿਨ ਦੀ ਕਮੀ ਦੇ 5 ਸੰਕੇਤ। ਨੈਸ਼ਨਲ ਹੈਲਥ ਸਰਵੇ (NHS), ਯੂਕੇ ਦੀ ਰਿਪੋਰਟ ਮੁਤਾਬਕ, ਜੇ ਮਹਿਲਾਵਾਂ ਵਿੱਚ ਵਿਟਾਮਿਨ B-12 ਘੱਟ ਹੋਵੇ, ਤਾਂ ਉਹ ਗੰਭੀਰ ਸਿਹਤ ਸਮੱਸਿਆਵਾਂ ਦਾ ਸਾਹਮਣਾ ਕਰ ਸਕਦੀਆਂ ਹਨ। ਉਹਨਾਂ ਦੇ ਸਰੀਰ ਵਿੱਚ ਫੋਲੇਟ ਦੀ ਕਮੀ ਹੋਣ ਨਾਲ ਐਨੀਮੀਆ ਹੋ ਜਾਂਦੀ ਹੈ। ਮਹਿਲਾਵਾਂ ਵਿੱਚ ਐਨੀਮੀਆ ਇੱਕ ਬਹੁਤ ਆਮ ਸਮੱਸਿਆ ਹੈ, ਜਿਸਦਾ ਕਾਰਣ ਸਰੀਰ ਵਿੱਚ ਸਹੀ ਮਾਤਰਾ ‘ਚ ਵਿਟਾਮਿਨ B-12 ਨਾ ਹੋਣਾ ਹੁੰਦਾ ਹੈ। ਇਸ ਬਿਮਾਰੀ ਵਿੱਚ ਆਇਰਨ ਦੀ ਲੋੜ ਹੁੰਦੀ ਹੈ, ਜੋ ਵਿਟਾਮਿਨ B-12 ਦਾ ਪੂਰਕ ਹੈ।

ਅਕਸਰ, ਮਹਿਲਾਵਾਂ ਨੂੰ ਸਿਰ ਵਿੱਚ ਦਰਦ ਹੁੰਦਾ ਹੈ ਪਰ ਇਸਦੀ ਵਜ੍ਹਾ ਪਤਾ ਨਹੀਂ ਲੱਗਦੀ। ਅਸਲ ਵਿੱਚ, ਸਰੀਰ ਵਿੱਚ ਸਹੀ ਮਾਤਰਾ ‘ਚ ਵਿਟਾਮਿਨ B-12 ਨਾ ਹੋਣ ਕਾਰਨ ਸਿਰ ਵਿੱਚ ਹਮੇਸ਼ਾ ਦਰਦ ਰਹਿ ਸਕਦਾ ਹੈ।

ਵਾਲਾਂ ਦਾ ਝੜਨਾ – ਵਾਲਾਂ ਦਾ ਝੜਨਾ ਜਾਂ ਸੁੱਕੇ, ਬੇਜਾਨ ਵਾਲਾਂ ਦੀ ਸਮੱਸਿਆ ਹੋਣਾ ਵੀ ਸਰੀਰ ਵਿੱਚ ਵਿਟਾਮਿਨ B-12 ਦੀ ਕਮੀ ਦਾ ਸੰਕੇਤ ਹੈ।

ਮੂੰਹ ਵਿੱਚ ਛਾਲੇ – ਮਹਿਲਾਵਾਂ ਨੂੰ ਵਿਟਾਮਿਨ B-12 ਦੀ ਕਮੀ ਹੋਣ 'ਤੇ ਮੂੰਹ ਦੇ ਛਾਲੇ, ਜੀਭ ਦੇ ਰੰਗ ਵਿੱਚ ਬਦਲਾਅ ਅਤੇ ਦੰਦਾਂ ਜਾਂ ਮਸੂੜਿਆਂ ਵਿੱਚ ਦਿੱਕਤ ਹੋ ਸਕਦੀ ਹੈ।

ਧੜਕਨ ਵਿੱਚ ਬਦਲਾਅ – ਮਹਿਲਾਵਾਂ ਨੂੰ ਆਪਣੇ ਦਿਲ ਦੀ ਧੜਕਨਾਂ ਵਿੱਚ ਵੀ ਕੁਝ ਬਦਲਾਅ ਮਹਿਸੂਸ ਹੁੰਦੇ ਹਨ, ਜਿਵੇਂ ਕਿ ਕਈ ਵਾਰ ਬਹੁਤ ਤੇਜ਼ ਹੋ ਜਾਣਾ, ਜਿਸ ਨਾਲ ਦਿਲ ਵਿੱਚ ਕਈ ਵਾਰ ਦਰਦ ਵੀ ਮਹਿਸੂਸ ਹੁੰਦਾ ਹੈ। ਪੈਰਾਂ ਵਿੱਚ ਕੀੜੀਆਂ ਦੇ ਕੱਟਣ ਵਰਗਾ ਮਹਿਸੂਸ ਹੋਣਾ, ਮਾਸਪੇਸ਼ੀਆਂ ਵਿੱਚ ਦਰਦ ਜਾਂ ਖਿੱਚਾਵ, ਸਰੀਰ ਨੂੰ ਸੰਤੁਲਨ ਬਣਾਉਣ ਵਿੱਚ ਦਿੱਕਤ ਅਤੇ ਯਾਦਦਾਸ਼ਤ ਵਿੱਚ ਕਮੀ।ਹੈਲਥ ਐਡਵਾਈਜ਼ਰ ਅਤੇ ਡਾਇਟੀਸ਼ਨ ਵਿਖਰਮ ਸੇਠਾ ਦੱਸਦੇ ਹਨ ਕਿ ਮਹਿਲਾਵਾਂ ਨੂੰ ਵਿਟਾਮਿਨ B-12 ਦੀ ਕਮੀ ਦੂਰ ਕਰਨ ਲਈ ਰੋਜ਼ਾਨਾ 1 ਗਿਲਾਸ ਦੁੱਧ ਪੀਣਾ ਚਾਹੀਦਾ ਹੈ। ਪਰ ਜੋ ਦੁੱਧ ਹੈ, ਉਸਨੂੰ ਪੀਣ ਦਾ ਵੀ ਇੱਕ ਸਹੀ ਤਰੀਕਾ ਹੈ। ਹਾਂ, ਫੁੱਲ ਫੈਟ ਮਿਲਕ ਨੂੰ ਸਾਨੂੰ ਸਿਰਫ਼ 1 ਵਾਰੀ ਹੀ ਉਬਾਲ ਕੇ ਪੀਣਾ ਚਾਹੀਦਾ ਹੈ। ਜੇ ਦੁੱਧ ਨੂੰ ਵਾਰ-ਵਾਰ ਗਰਮ ਕੀਤਾ ਜਾਵੇ, ਤਾਂ ਦੁੱਧ ਵਿੱਚ ਮੌਜੂਦ ਲੋੜੀਂਦੇ ਤੱਤ ਵੀ ਨਸ਼ਟ ਹੋ ਜਾਂਦੇ ਹਨ।